Лаврова Германия Бундеслигасында кезекті рет жеңіске жетті

Үстел теннисінен әйелдер арасындағы Германия чемпионатының кезекті кезеңі өтті.

«SV Schott» (Йена) спортшылары Анастасия Лаврова, Эже Харак, Майя Куназ, Карлин ван Лиероп Лейпцигте жергілікті «LTTV Leutzscher Füchse 1990» командасына қарсы ойнап, 6:3 есебімен жеңіске жетті.

Отандасымыз Анастасия До Тхи Хуонгты 3:0, Анна-Мари Хельбигті 3:0 есебімен жеңіп, екі ұпай алды. Бундеслиганың 10 командасының арасында «SV Schott» (Йена) турнир кестесінде бесінші орынға жайғасты.