Дәулет Дәукенов өзбекстандық қарсыласын жеңді

Елорданың Жақсылық Үшкемпіров атындағы «Жекпе-жек» сарайында Тәуелсіздіктің 30 жылдығына орай өтіп жатқан кәсіпқой бокс кешінің тағы бір жекпе-жегінде Қазақстан боксшысы өзбекстандық қарсыласын жеңді.

Өзбекстандық Эльдорбек Саидов пен қазақстандық Дәулет Дәукенов те 63,5 келі салмақ дәрежесінде сынға түсті. Қос қарсылас та 6 раунд бойында асқан сақтықпен жұдырықтасты.

Жекпе-жек қорытындысы бойынша Қазақстан боксшысы 79:73, 80:72, 80:73 есебімен жеңімпаз деп танылды.