Нұртас Әжбенов титулдық жекпе-жекте жеңіске жетті

Қазақстандық боксшы Нұртас Әжбенов (11-1, 4КО) Алматыдағы MTK Global кешінде жекпе-жек өткізді, деп хабарлайды Prosports.kz сайты.

Кеште ол тәжік спортшысы Шерали Достиевпен (9-1-1, 2 КО) қолғап түйістіріп, төрешілердің шешімімен жеңіске жетті.

Осылайша, Нұртас Әжбенов мансабындағы 12-ші жеңісіне қол жеткізіп, жеңіл салмақтағы UBO белбеуін иемденді.

Айта кетейік, кейінге кездесуінде Нұртас Әжбенов алғаш рет жеңілген еді. Ол ресейлік боксшы Иса Чаниевтен нокаутпен ұтылып, WBC ABC Continental белбеуінен айырылды.