Жас қазақстандық теннисші Еуропа турнирінің жеңімпазы атанды

<span>Қазақстандық Заңғар Нұрланұлы жекелей сында Норвегия астанасы Ослода 14 жасқа дейінгілер арасында үшінші санаттағы Tennis Europe турнирінің жеңімпазы атанды. <br /></span>

<span>Қазақстан теннис федерациясы мәлім еткеніндей, Заңғар жұптық сында да табысты өнер көрсетіп, финалға дейін жетті. З.Нұрланұлы жекелей сында 2 сағат 40 минутта созылған соңғы бәсекеде франциялық Лене Кутюрьені 4:6, 6:0, 6:3 есебімен тізе бүктірді. </span>

<span>Заңғар оны бір апта бұрын осы Норвегия елінің Берген қаласында ұтқан болатын. Қазақстандық теннисші жартылай финалда жарыстың 1-ракеткасы, Францияның 14 жасқа дейінгілер арасындағы үздік ойыншысы Лене Петитаны 7:5, 7:6 есебімен жеңді. Бұл ойын да тартысты өтіп, 2 сағат 18 минутқа созылды. </span>

<span>Осылайша Заңғар Нұрланұлы биыл Tennis Europe сериясындағы үш жарыстың чемпионы атанып, тағы екеуінде финалға дейін жетті. </span>

<span>Жыл соңына дейін қазақстандық жас спортшы Ыстанбұлда өтетін додаға қатысып, бір апта демалыстан кейін жаңа маусымға дайындығын бастайды.<br /></span>