Конькимен жүгіруден әлем кубогы: Евгений Кошкин ел рекордын жаңартты

АҚШ-тың Солт-Лейк-Сити қаласында конькимен жүгіруден әлем кубогының үшінші кезеңі өтіп жатыр.

Ерлер арасында 500 метрге жарысудан Евгений Кошкин жасөспірімдер арасындағы Қазақстан рекордын жаңартты. 

Қазақстандық конькишілер 500 метрге жүгіруден В тобында сынға түсті. Нәтижесінде, Евгений Кошкин 19-шы, Иван Аржаников 22-ші, Роман Креч 29-шы орыннан көрінді. 

В тобындағы алғашқы үштікке АҚШ, Германия және Ресей спортшылары енген.