Левандовски жылдың үздік шабуылшысы атанды

«Бавария» мен Польша құрамасының шабуылшысы Роберт Левандовски тарихта France Football нұсқасы бойынша жылдың үздік шабуылшысы атанған алғашқы футболшы болды, деп хабарлайды Prosports.kz. 

Бұл жүлде алғаш рет табысталды. Енді бұл жүлденің иегері күнтізбелік бір жылда клуб пен құрама сапында ең көп гол соққан футболшы атанады. 

2021 жылы Левандовскиге тең келер ешкім болмады, ол 64 гол соққан. Оған жақын болған Криштиану Роналду 42 рет қанжығасын майлаған.