Жақсы ақша төленсе, Головкинмен кездесуге дайынмын – Питер Куиллин

<p> <strong>WBO тұжырымында орта салмақтағы экс-чемпион Питер Куиллин (31-0, 22 KO) қазақстандық кәсіпқой боксшы Геннадий Головкинмен (32-0, 29 КО) кездесуге дайын екенін мәлім етті, деп хабарлайды Bnews.kz.</strong></p> <p> &laquo;Егер менеджерім Эл Хэймон бұл кездесуді ұйымдастырамын деп жатса, мен қарсы келмеймін. Себебі, Головкин қазіргі уақытта орта салмақтағы ең мықты боксшы. Сондықтан мұндай кездесулер аз ақшаға өтпейтінін де ескеруіміз керек&raquo;, - дейді Куиллин.</p> <p> Айта кету керек, Питер Куиллин 2014 жылдың қыркүйегінде ресейлік Матвей Корбовпен жекпе-жек өткізуден бас тартып, WBO тұжырымындағы әлем чемпионы белбеуінен айырылған болатын. Енді ол 10 сәуір күні Бруклинде WBO тұжырымындағы әлем чемпионы ирландиялық Энди Лимен (34-2, 24 КО) қолғап түйістіріп, WBO чемпионы белбеуін сарапқа салады.</p> <p> Ал Головкиннің келесі жекпе-жегі 16 мамырда Лос-Анджелесте өтеді, оның қарсыласы америкалық боксшы Вилли Монро (19-1, 6 КО).</p> <p> &nbsp;</p> <p> Bnews.kz сайтынан</p>