Головкин Мунгиямен кездессе, Әлімханұлы Андрадемен жекпе-жек өткізеді
The Ring журналисі әрі The Neutral Corner подкастының авторы Майкл Монтеро WBO тұжырымы бойынша орта салмақтағы чемпион Деметриус Андраде мен қазақстандық боксшы Жәнібек Әлімханұлы арасындағы жекпе-жек ұйымдастыру идеясын қолдады, деп хабарлайды Prosports.kz.
Бұған дейін Әлімханұлының менеджері Эгис Климас WBO-ға ресми хат жолдап, чемпиондық атақ үшін Андрадемен жекпе-жек өткізуге рұқсат сұраған.
Монтеро ұйым рейтингісінде бірінші орында тұрған Хайме Мунгия тағы бір қазақстандық боксшы Геннадий Головкинмен жекпе-жек өткізуге ниетті екенін, ал Андрадемен кездесуге асықпайтынын айтты.
«Хайме Мунгия Деметриус Андрадемен жекпе-жекке қызығушылық танытпайтындықтан (ол GGG-мен кездескісі келеді), Рейтингте 2-орында тұрған Жәнібек Әлімханұлы Андрадемен жекпе-жек өткізе алады. Ол титул иесімен кез келген уақытта және кез келген жерде жұдырықтасуға дайын», - деп жазды Монтеро твиттер парақшасында.
Since Jaime Munguia has zero interest in fighting Demetrius Andrade (he's waiting to hit the GGG lottery), it's time to mandate Andrade vs the #2 contender, Zhanibek Alimkhanuly, who has made it clear he's willing to face the titleholder any time, any place.#boxing #WBO https://t.co/nuxXG7dsFX pic.twitter.com/q464B6atx1
— Michael Montero (@MonteroOnBoxing) November 22, 2021