Герасименко Словениядағы турнирде қытайлық спортшыға жол берді

Словенияның Ново-Место қаласында үстел теннисінен WTT Contender турнирі өтіп жатыр, деп хабарлайды Prosports.kz тілшісі Olympic.kz сайтына сілтеме жасап. 

Аталған сынға Қазақстан атынан Кирилл Герасименко қатысқан болатын. 

Турнирдің 1/16 айналымында Кирилл қытайлық Чжоу Цихаомен кездесті. Ол жасөспірімдер арасында екі дүркін әлем чемпионы атанған спортшы. 

Екеуара матч өте тартысты өтіп, қазақстандық спортшы 2:3 (11:8, 6:11, 6:11, 11:9, 4:11) есебімен жеңіліп қалды.