Әлем чемпионаты: Жартылай финалда бес боксшымыз бақ сынай

Сербия астанасы Белградта бокстан әлем чемпионатының ширек финалдық кездесулері өтіп жатыр, деп жазады<span> </span>Prosports.kz.

Турнирдің бұл кезеңіне қазақстандық 10 боксшы шыққан.

Олар: Т<span>еміртас Жүсіпов (</span><span>48 келі), Сәкен Бибосынов (51 келі), </span><span>Махмуд Сабырхан (54 келі), Серік Теміржанов (57 келі), Саматәлі Төлтаев (60 келі), Санатәлі Төлтаев (63,5 келі), Абылайхан Жүсіпов (67 келі), Асыланбек Шымбергенов (71 келі),</span><span> Нұрқанат Райыс (75 келі) және Нұрбек Оралбай (80 келі). </span>

1/4 финалда 5 боксшымыз жеңіске жетіп, 5 боксшымыз жеңіліске ұшырады.

Атап айтқанда, <span>Теміртас Жүсіпов </span><span>өзбекстандық </span><span>Нодиржон Мирзахмедовті, Махмуд Сабырхан бразилиялық Майкл Тринидадты, Абылайхан Жүсіпов моңғолиялық Чинзориг Баатарсухты, Сәкен Бибосынов колумбиялық Юберхен Мартинесті, Серік Теміржанов ресейлік Эдуард Саввинді жеңді.</span>

<span>Ал Саматәлі Төлтаев франциялық Софьян Умиадан,</span><span> Нұрқанат Райыс италиялық Сальваторе Каваллародан,</span><span> Санатәлі Төлтаев шотландиялық Риз Линчтен, Асыланбек Шымбергенов украиналық Юрий Захареевтен, Нұрбек Оралбай сербиялық Владимир Мирончиковтен жеңілді. </span>

<span>Осылайша, жартылай финалда 5 боксшымыз бақ сынайтын болды.</span>

<span>Айта кетейік, Белград төрінде 13 боксшымыз бақ сынады. Олардың үшеуі - Бек Нұрмағамбет (86 келі), Айбек Оралбай (92 келі), Нұлан Сапарбай (92 келіден жоғары) алғашқы айналымдарда жарыс жолынан шығып қалды.</span>