Денис Никиша шорт-тректен әлем кубогы кезеңінде қола медальға қол жеткізді

Қазақстан Қытайдағы шорт-тректен әлем кубогының кезеңінде екінші медалін жеңіп алды, деп хабарлайды Prosports.kz.

Қазақстандық Денис Никиша 500 метр қашықтықта қола жүлдегер атанды. Ол 40,876 секунд нәтижесін көрсетті.

«Алтынды» Венгрия өкілі Шаолин Сандор жеңіп алды, «күміс» оның отандасы Джон Генри Крюгерге бұйырды.

Бұған дейін 1500 м қашықтықта қазақстандық Әділ Ғалиахметов күміс медаль алған болатын.