Теннисші Зарина Дияс Индиан-Уэллс турнирінің екінші айналымына шықты

Қазақстандық, әлемнің 108- ракеткасы Зарина Дияс Индиан-Уэллс (АҚШ) WTA 1000 турнирінің екінші айналымына шықты, деп хабарлайды Olympic.kz ҚТФ баспасөз қызметіне сілтеме жасап.<br /><br /><span>Жарысты іріктеу сайыстарынан бастаған Дияс алғашқы айналымда дүниежүзілік рейтингте 121-сатыда тұрған жапониялық Нао Хибиномен кездесті. </span>

<span>Бұған дейін қарсыластардың өзара төрт мәрте жолдары тоқайласып, соның үшеуінде жапониялық теннисші жеңіске жеткен еді. Бұл жолы 1 сағат 14 минутқа созылған матчта З.Дияс 6:3, 6:3 есебімен басым түсті. Бәсеке барысында қазақстандық спортшы 2 эйс жасап, 14 брейк-пойнттың бесеуін пайдаланды. Қарсыласы 1 эйс, 2 брейкпен (4 брейк-пойнт) шектелді. </span>

<span>Дияс екінші айналымда әлемнің бесінші, доданың 3-ракеткасы, чехиялық Барбора Крейчиковамен ойнайды.</span>