Рыбакина қарсыласы бас тартқаннан кейін Чикагодағы турнирдің жартылай финалына шықты

Қазақстандық теннисші Елена Рыбакина Чикагодағы турнирдің жартылай финалына шықты, деп хабарлайды Prosports.kz.

Турнирдің ширек финалдық кезеңінде әлемнің 17-ракеткасы Рыбакина WTA рейтингісінде 12-орында тұрған Швейцария өкілі Белинда Бенчичпен кездесті.

Рыбакина 6: 4, 3: 1 есебімен жеңіп жатқанда  Бенчич күресті жалғастырудан бас тартты. Қарсыластар кортқа 1 сағат 10 минут жұмсады.

Жартылай финалда Рыбакина тунистік Унс Джабирмен ойнайды.