Дарын Қонысбаев: Жарыс басталғанда үздіктер қатарына енетінімді сездім

<span>Қырғызстанның Шолпан-ата қаласында өткен триатлоннан Азия чемпионатында қазақстандық Дарын Қонысбаев жеңімпаз атанды. Спортшы құрлық додасындағы алғашқы жеңісінен соң өз пікірімен бөлісті деп хабарлайды Olympic.kz. </span>

<span>«Бұл менің Азия чемпионатындағы алғашқы жеңісім. Жарыс жоспар бойынша өтті. Жүзуден нәтижем жақсы болған жоқ. Дегенмен, веложарыс кезінде қарсыластарымды қуып жеттім.</span>

<span>Ал жүгіру басталғанда өзімнің үздік үштікке енетінімді сездім.</span>

<span>Шыны керек, басқа қарсыластарыма қарағанда маған жарыстың жеңіл өтіп жатқанын байқадым. Жеңісім үшін қуаныштымын», - дейді Дарын Қонысбаев.</span>

<span>Айта кетелік, осы бәсекеде тағы бір қазақстандық спортшы Аян Бейсенбаев қола жүлдегер атанды. </span>