Спорт жұлдыздары қазақстандықтарды Наурыз мерекесiмен құттықтады

<p style="text-align: justify;"> <strong>Ұлыстың ұлы күнi - Наурыз мерекесiнде Қазақстан намысын халықаралық ареналарда сәттi қорғап жүрген атақты спортшыларымыз Instagram желiсi арқылы барша қазақстандықтарды құттықтады.</strong></p> <p style="text-align: justify;"> Осы тұста, ауыр атлет Владимир Седов мемлекеттiк тiлде: &laquo;Наурыз амандық, қуаныш, жақсылық әкелсін! Көктем жылуы мен өмір қуанышын тілеймін! Мықты денсаулық пен ұзақ өмір, құшақ толған гүл мен ықылас тілейміз!&raquo; деген бiрауыз құттықтауын жолдап, оқырмандарына жақсы сыйлық жасады. Тағы бiр апайтөс зiлтемiршiмiз Жасұлан Қыдырбаев та мерекеден тыс қалған жоқ. Тау бөктерiнде ол арнайы бейнеқұттықтау түсiрiп жiберген. Онда ол: &laquo;Барлықтарыңызды Ұлыстың ұлы күнi - Наурыз мерекесiмен құттықтаймын! Наурыздан Наурызға жете берейiк, табыс-берекеге жете берейiк! Наурыз құтты болсын!&raquo; деп жүрекжарды лебiзiн жеткiзген.</p> <p style="text-align: justify;"> Зарина Дияс та өзiнiң жылы лебiзiн қалдыруды ұмытпады. &laquo;Наурыз құтты болсын!&raquo; деп қана халқын құттықтаған теннисшi қызымыздың өз ана тiлiне, салт-дәстүрiне деген құрметi тәнтi еттi.</p> <p style="text-align: justify;"> Кәсiпқой боксшымыз Роман Жайлауов ерге тән мiнезбен көп сөзге жол бермегенге ұқсайды. &laquo;Наурыз құтты болсын!&raquo; деген сөздерiмен қатар, Инстаграмм арқылы құттықтау суретiн салып жiбердi. Қазiр Роман АҚШ-та келесi жекпе-жегiне қызу жаттығуда.</p> <p style="text-align: justify;"> &nbsp;</p> <p style="text-align: justify;"> Alashainasy.kz&nbsp;</p> <div> &nbsp;</div>