Щучинскідегі Гран-при кезеңінде норвегиялық спортшы топ жарды

Щучинск қаласында ерлер арасында шаңғымен тұғырдан секіруден жазғы Гран-при кезеңі өз мәресіне жетті, деп хабарлайды Olympic.kz.

Жарыс бағдарламасының екінші түрінде спортшылар үлкен трамплиннен секіру керек болатын.  Алайда ауа райы жағдайына байланысты турнирді К-90 трамплинінде қайта өткізу туралы шешім қабылданды.

Жеңіске норвегиялық Халвор Эгнер Гранеруд 221,4 ұпаймен ие болды. Екінші орынды Роберт Юханссон (Норвегия) алды - 212,4.  Үздік үштікті тағы бір норвегиялық Мариус Лидвик 211.8 көрсеткішімен қорытындылады.

Қазақстандық Сергей Ткаченко 196,2 ұпаймен оныншы болды. Данил Васильев 14-орында 187.1 ұпаймен тұрақтады.

ФОТО: Қазақстан ҰОК, Сали Сабиров