Астанада қоян-қолтық ұрыстан халықаралық турнир мәресіне жетті

<p> <strong>Бүгін елордада Қазақстан Республикасы Мемлекеттік күзет қызметінің Кубогы үшін өткен қоян-қолтық ұрыстан халықаралық турнирдің салтанатты жабылу рәсімі өтті деп хабарлайды Астана қаласы әкімдігінің баспасөз қызметі.&nbsp;</strong></p> <p> Екі күн бойы үздік атану үшін Астана, Алматы, Қарағанды қалалары мен Ақмола, Солтүстік Қазақстан облыстарының, сонымен қатар, Қырғызстан, Әзірбайжан, Тәжікстан елдерінен келген, барлығы 16 құрама күш сынасты.</p> <p> Топтық есеп бойынша Қазақстан Республикасының Ұлттық қауіпсіздік комитеті бірінші орынды еншіледі. Екінші орын №1 Мемлекеттік күзет қызметіне бұйырса, ҚР Ұлттық гвардиясының құрамасы жүлделі үшінші орынды місе тұтты.</p> <p> Халықаралық есепте Қазақстан құрамасы суырылып алға шықты. Екінші орынға Әзірбайжан, ал үшінші орынға Қырғызстан құрамалары жайғасты.</p> <p> Турнирдің салтанатты жабылу рәсіміне еліміздің күш құрылымдарының өкілдері, бапкерлер қатысып, сайыскерлерді марапаттады.</p> <p> Атап өтейік, аталмыш жарысқа қоян-қолтық ұрыстың 115 шебері қатысты. Олардың арасында халықаралық дәрежедегі спорт шеберлері де аз емес.&nbsp;</p> <p> &nbsp;</p> <p> Baq.kz сайтынан</p>