Қамшыбек Қоңқабаев: Екінші раундта көп қателік жібердім

Қазақстандық боксшы Қамшыбек Қоңқабаев Токио Олимпиадасының жартылай финалына шықты.

91 келіден жоғары салмақта сынға түсетін Қоңқабаев ширек финалда ресейлік Иван Верясовті жеңді. Бес төрешінің төртеуі жеңісті қазақстандық боксшыға берді.

- "Бірінші раунд ойдағыдай өтті. Екінші раундтан бастап қателіктер кетті. Лас боксқа ден қойып кеттім. Енді осы олқылықтардың орнын толтыруға тырысамын. Алдыңғы қолмен дұрыс жұмыс істемедім. Болар іс болды, бастысы - жартылай финалға өту. Келесі қарсыласымды танимын, бірақ кездеспегенмін. Енді бар ойым мен күшімді келесі жекпе-жекке жұмсаймын

Фото: Сали Сәбіров / olympic.kz