Токио Олимпиадасы: Әбілхан Аманқұл жартылай финалға шыға алмады

Қазақстандық боксшы Әбілхан Аманқұл Токио Олимпиадасының жартылай финалына шыға алмады, деп хабарлайды Prosports.kz тілшісі. 

75 келіге дейінгі салмақта өнер көрсеткен Аманқұл ширек финалда бразилиялық Эберт Соузамен кездесті. Бұл жекпе-жекте төрешілер 3:2 есебімен жеңісті бразилиялыққа берді. 

Айта кетейік, Олимпиададың ширек финалында қазақстандық үш боксшы қалды. Енді Қамшбек Қоңқабаев, Сәкен Бибосынов пен Зәкір Сафиуллин жекпе-жек өткізеді. 

Фото: Olympic.kz, Сали Сәбіров