Милад Карими спорттық гимнастиканың үш түрі бойынша финалға шықты

Қазақстандық гимнаст Милад Карими 2020 жылы Токиода өтіп жатқан Олимпиада ойындарының үш түрінен финалға шықты, деп хабарлайды Prosports.kz.

Ол гимнастикалық кермедегі жаттығу бойынша іріктеуде 14.766 ұпай жинап, екінші нәтиже көрсетті. 

Еркін жаттығуда 8-ші орын иеленіп, финалға жолдама алды.  Жалпы, Карими 82,565 ұпай жинады

 Көпсайыстан финалдық сын 28 шілдеге, еркін жаттығудан финалдық бәсеке 1 тамызға, гимнастикалық кермедегі финал 3 тамызға жоспарланған.