Геннадий Головкиннің келесі жекпе-жегі 16 мамырда өтеді

<p> <strong>WBA және IBO тұжырымдары бойынша әлем чемпионы, WBC аталымының уақытша чемпионы белбеуінің иегері отандасымыз Геннадий Головкин рингке 16 мамырда оралады. Бұл туралы қазақстандық боксшының промоутері Том Леффлер мәлімдеді.</strong></p> <p> Леффлер BoxingScene.com сайтына берген сұхбатында: "Біз ұстап алған импульстің негізінде, оның белсенділігін сақтай отырып, АҚШ-қа оралуды жоспарлап отырмыз. Кездесу 16 мамыр күні Лос-Анджелесте өтуі мүмкін. Жекпе-жекті HBO телеарнасы көрсетеді деп ойлаймын", - деді.</p> <p> Жерлесіміздің қарсыласы әзірге белгісіз. Бірақ, Головкиннің бапкері Абель Санчес Вилли Монро, Туреано Джонсон және Хорхе Хэйланд сынды боксшылардың бірі қарсылас атануы мүмкін деген болатын.&nbsp;</p> <p> Леффлердің айтуы бойынша, Головкин 2015 жылы төрт кездесу өткізуді жоспарлап отыр. Оның алғашқысы 22 ақпан күні Монте-Карлода британдық боксшы Мартин Мюррейге қарсы өтіп, отандасымыз айқын жеңіске жеткен еді.</p> <p> Геннадий Головкин кәсіпқой бокста 32 кездесу өткізіп, оның 29-ын нокаутпен аяқтады. 19 жекпе-жегін қатарынан нокаутпен аяқтаған жерлесіміз, әлем таныған әйгілі Майк Тайсонның рекордын қайталады.&nbsp;</p> <p> &nbsp;</p> <p> Массагет.кз сайтынан</p>