Джокович Уимблдон турнирінің финалына шықты

Әлемнің бірінші ракеткасы Новак Джокович Уимблдон турнирінің финалына шықты, деп жазады Prosports.kz.

Жартылай финалында ол канадалық Денис Шаповаловты жеңді.

2 сағат 47 минутқа созылған кездесуде сербиялық теннисші 7:6 (7:3), 7:5, 7:5 есебімен жеңіске жетті.

Лондондағы «Үлкен дулыға» турнирінің финалында Джокович жартылай финалда поляк Хуберт Хуркачтан басым түскен италиялық Маттео Берреттинимен кездеседі.