Флойд Мейвезер «ғасыр жекпе-жегіне» негізгі дайындығын бастады

<p> <strong>WBA тұжырымы бойынша суперчемпион, WBC тұжырымы бойынша да чемпиондық атақ иегері Флойд Мейвезер филиппиндік танымал боксшы Мэнни Пакьяоға қарсы өтетін жекпе-жегінің негізгі жаттығуларын бастады.</strong></p> <p> Америкалық боксшы негізгі жаттығуларын &laquo;Mayweather Boxing Club&raquo; деп аталатын өзінің жеке спорт залында өткізіп жатыр екен. Боксшыға Флойд Мейвезер (үлкені), атасы Роджер Мейвезер және физикалық тұрғыдан шынықтыратын бапкері Алекс Аризо көмектесуде. Флойдтың өзі болса жекпе-жекке дейін нағыз спорттық бабында болатынын мәлімдеп үлгерді.</p> <p> Айта кетейік, Флойд Мейвезер мен Мэнни Пакьяо арасындағы &laquo;ғасыр жекпе-жегіне&raquo; теңелген жұдырықтасу 2 мамыр күні Лас-Вегаста өтеді. Қазір барлық БАҚ өкілдері түрлі әңгімелер өрбітіп, бұл жекпе-жекке деген көпшіліктің қызығушылығын арттыруда. Мәселен, Дүниежүзілік бокс кеңесінің (WBC) президенті Маурисио Сулейман осы бәсекеде жеңіске жеткен спортшыға құнды тастармен көмкерілген ерекше белбеу табыс етілетіні жайында жариялады.</p> <p> &nbsp;</p> <p> Массагет.кз сайтынан</p>