Азия үстел федерациясы құрлықтық жарыстардың күнтізбесін бекітті

Азия үстел теннисі Одағының (ATTU) Атқарушы кеңесі Катар қауымдастығының Азия чемпионатына дайындық барысы туралы баяндамасын тыңдап, жарыстың жаңа мерзімдерін бекітті. Бұл туралы Қазақстан үстел теннисі федерациясы хабарлады. 

Күнтізбе 2021 жылғы 28 қыркүйектен 5 қазанға дейін жасалған. Күннің өзгеруінің басты себебі - Токиодағы жазғы Олимпиада ойындарының аяқталуы мен құрлық чемпионатының басталуы арасындағы қысқа уақыт, сонымен қатар әртүрлі елдердегі COVID-19 карантиндік талаптарының белгісіздігі, осы кезеңдегі спортшылардың дайындығы.