Денис Евсеев Портодағы жарыстың жұптық сынында екінші айналымға шықты

Қазақстандық теннисші Денис Евсеев өзбекстандық Денис Истоминмен бірге Портодағы «Челленджердің» екінші айналымына шықты, деп хабарлайды<span> </span>Prosports.kz.

Бірінші айналымда Евсеев пен Истомин португалиялық дуэт Тьяго Какао мен Гансало Фалькаоны 6:2, 7:5 есебімен жеңді. Матч 1 сағат, 7 минутқа созылды. 

Екінші айналымда Евсеев пен Истомин америкалық Роберт Галловэй мен Алекс Лоусонмен кездеседі.

Еске салайық, бұған дейін Евсеев осы турнирдің жекелей сынында жеңіліп қалған болатын.