Конькимен жүгіруден Астанада өткен әлем чемпионатында кімдер топ жарды?

<p> <strong>28 ақпан мен 1 наурызда Астана қаласында тұңғыш рет конькимен жүгіру спортының спринтерлік көпсайысынан әлем чемпионаты өтті. Бұл жарысқа еліміздің атынан 4 спортшы қатысып, жүлдегерлер қатарынан көріне алмады.</strong></p> <p> Екі күн қорытындысы бойынша ерлер арасында ресейлік Павел Кулижников жеңімпаз болып танылды. Күміс нидерландылық Хэи Отерспирге бұйырса, қоланы тағы бір ресейлік конькиші Алексей Есин жеңіп алды.</p> <p> Ерлер арасында Қазақстан атынан 3 спортшы қатысқан болатын. Қосымша жолдама арқылы қатысқанАлександр Жигин жарысты толықтай аяқтай алмады. Жарыс кезінде отандасымызды қытайлық спортшы тоқтатуға тырысып, құлатты. Нәтижесінде &laquo;аспан асты елінен&raquo; келген спортшы жарыстан шеттетілсе, қазақстандық конькиші жарақат алып, әлем чемпионатын жалғастыра алмады.</p> <p> Денис Кузин 1000 метр қашықтыққа конькимен жүгіруде 6-шы орынды иеленді. Ал төрт кезең қорытындысында 11-ші орынға тұрақтады. Бастапқыда Роман Креч 500 метрге жүгіруден кейін төртінші орында болғанмен, көпсайыс қорытындысында 14-ші орынды қанағат тұтты.</p> <p> Әйелдер арасында ел намысын қорғаған Екатерина Айдова жоғары көрсеткіш көрсетті. Ол көпсайыс қорытындысында 4-ші орынға тұрақтады. Нәтижесінде конькимен жүгіру спортының спринтерлік көпсайысынан әлем чемпионатында ең үздік нәтиже көрсеткен қазақстандық спортшы атанды.Отандасымыз бірінші күні 500 метр қашықтықта 13-ші орыннан көрінсе, кейінгі үш сайыста төртінші нәтиже көрсетті.</p> <p> Әйелдер арасында спринтерлік көпсайыс қорытындысында америкалық спортшылардың бағы жанды.Британ Боу алтын медальды жеңіп алса, күмісті Хизер Ричардсон иеленді. Ал қола жүлде чех спортшысыКаролина Эрбановаға бұйырды.</p> <p> Қазақстан спортшыларының көрсеткіштері (толығырақ):</p> <p> Екатерина Айдова &ndash; (500 м &ndash; 13-орын, 1000 м &ndash; 4-ор.; 500 м &ndash; 4-ор., 1000 м &ndash; 4-ор.)</p> <p> Денис Кузин &ndash; (500 м &ndash; 27-ор., 1000 м &ndash; 8-ор.; 500 м &ndash; 19-ор., 1000 м &ndash; 6-ор.)&nbsp;</p> <p> Роман Креч &ndash; (500 м &ndash; 4-ор., 1000 м &ndash; 21-ор.; 500 м &ndash; 6-ор., 1000 м &ndash; 19-ор.)</p> <p> Александр Жигин &ndash; (500 м &ndash; 31-ор., 1000 м &ndash; 27-ор.; 500 м &ndash; DNF /29-ор./)</p> <p> &nbsp;</p> <p> Массагет.кз</p>