Қазақстандық теннисші челленджер турнирінідегі алғашқы финалында жеңілді

Қазақстандық Тимофей Скатов Алматы челленджер турнирінің финалында жеңіліп қалды.

Ол финалда бельгиялық Зизу Бергспен күш сынасты. Бұл 20 жастағы челленджер жарыстарындағы алғашқы финалы болды.

Бірінші партия 6:4 есебімен қазақстандық теннисшінің еншісінде кетті. Екіншісінде 22 жастағы Бергс басымдылық танытты – 6:3. Ол үшінші, шешуші сетте де мүмкіндігін жіберген жоқ – 6:2.

Финалдық бәсеке тура екі сағатқа созылды. Қазіргі кезде Алматыда дәл осындай екінші челленджер жарысының іріктеу сайыстары өтуде.