Қызылордалық ауыр атлеттер қатарынан бес мәрте Қазақстан чемпионы атанды

<p> <strong>21-25 ақпан аралығында Астана қаласында ауыр атлетикадан 17 жасқа дейінгі ұлдар мен қыздар арасында Қазақстан Республикасының жеке-командалық чемпионаты өтті, деп хабарлайды Қызылорда облысы әкімінің баспасөз қызметі.&nbsp;</strong></p> <p> Аталмыш жарыстан Сыр елінің ауыр атлеттері 2 алтын, 4 күміс, 1 қола медаль иеленіп, 197 ұпаймен көш бастады. 182 ұпаймен Қарағанды облысы екінші орынды, 151 ұпаймен Алматы қаласының командасы үшінші орынды еншіледі. Осымен қызылордалық спортшылар қатарынан бес мәрте Қазақстан чемпионы атанды.&nbsp;</p> <p> Жарыс қорытындысы бойынша 50 келі салмақ дәрежесінде Ерасыл Ергенбай (спорт-интернат) чемпион атанды. Ол жұлқи көтеруде 77, серпе көтеруде 93, қоссайыста 170 келіні бағындырды. 85 келіде Әлішер Оразбек (№1ОМБЖОРМ) алтын медальді иеленді. Ол жұлқи көтеруде 115, серпе көтеруде 140, қоссайыста 255 келіні бағындырды.</p> <p> Қыздар арасында 48 келіде шиелілік Айсамал Сансызбаева, 50 келіде қармақшылық Әмірхан Қожабаев, 62 келіде Арыстанбек Жақанша (спорт-интернат) және 85 келіде Мейіржан Молдағали (№1ОМБЖОРМ) күміс жүлдеге ие болды. 62 келіде №1 облыстық олимпиадалық резерв мектебінің спортшысы Серікбол Аманжол қола жүлдеге қол жеткізді.&nbsp;</p> <p> Спортшылар сәуір айында Алматы қаласында 20 жасқа дейінгі жастар арасында болатын Қазақстан чемпионатына қатысады.</p> <p> &nbsp;</p> <p> BNews.kz сайтынан</p>