Қанат Исламның жаңа шапаны

<p> <strong>Қазақтың кәсіпқой боксшысы Қанат Ислам алдағы кездесулерге киіп шығатын шапанын таныстырды, деп хабарлайды alaman.kz.</strong></p> <p> Қара шапанға көк түсті жолақ енгізіліп, оған Қазақстан туының шетіндегі тулар салынған. Арқасына Kanat Islam деген жазу жазылып, көк бөрінің суреті салынған.</p> <p> Қанат Ислам келесі кездесуін наурыз соңында Колумбияда өткізеді. Осыған дейін 1 наурызда Мәскеуде аргентиналық Гуидо Николас Питтомен кездесетіні туралы хабар тараған. Кейін бұл кездесу болмайтыны хабарланған.</p> <p> Қытайда туған этникалық қазақ Қанат Ислам 2008 жылы Пекин олимпиадасына сол елдің атынан қатысып, қола жүлде иеленген. Ол 2010 жылы Қазақстан азаматтығын алып, &laquo;Астана арландары&raquo; клубында бокстасып жүрді. Боксшы 2012 жылы Лондон олимпиадасына атажұртының атынан қатысуына байланысты азаматтық-құқықтық дау туған соң кәсіпқой боксқа бет бұрып, АҚШ-қа кеткен.&nbsp;</p> <div> &nbsp;</div> <div> BNews.kz сайтынан</div>