Қазақстандық теннисшілер ITF турнирінде топ жарды

Шымкент қаласында ерлер мен әйелдер арасында теннистен ITF турнирі мәреге жетті, деп хабарлайды ҚазАқпарат. 

<span>Қазақстан теннис федерациясы мәлім еткендей, жүлде қоры 15 мың АҚШ долларына бағаланған жарыста Жібек Құламбаева мен Григорий Ломакин жұптық сында үздік өнер көрсетті. </span>

<span>Құламбаева поляк қызы Марта Кубкамен бірге финалда ресейліктер Екатерина Рейнгольд - Екатерина Шалимованы 6:4, 6:4 есебімен ұтты. </span>

<span>Өкінішке қарай, жекелей сында Ж.Құламбаева соңғы бәсекеде ресейлік Валерия Оляновскаяға жол берді - 5:7, 4:6. </span>

<span>Ломакин ресейлік Ян Бондаревскиймен бірге финалда қазақстандық Бейбіт Жукаев пен тағы бір ресейлік Марат Шариповты 7:5, 6:2 есебімен тізе бүктірді. </span>

<span>Осылайша Ломакин биылғы маусымда үшінші, спорттық жолындағы оныншы титулына қол жеткізді.</span>