Қысқы

Денис Теннің ісі бойынша сотталған Толыбаева түрмеге қайта қамалды

Денис Теннің ісі бойынша сотталған Толыбаева түрмеге қайта қамалды

Қазақстандық мәнерлеп сырғанаушы Денис Теннің ісі бойынша сотталған Жанар Толыбаева қайтадан түрмеге тоғытылды. Ол Sputnik Қазақстан тілшісіне сұхбат берді, деп хабарлайды Prosports.kz. 

«Мен туралы бүкіл Қазақстан білуі де мүмкін. Себебі мен Денис Теннің ісі бойынша қылмысты біле тұра айтпағаным үшін отырмын. Сол үшін маған 4 жыл жазамды жалпы колонияда өтеуге берген болатын. Бірінші рет сұхбат беріп жатырмын. Бұған дейін сұхбат беруден бас тартып келдім. Бұл жолы бергім келді, себебі мені бір рет емес, бірнеше рет осы жерге қайтарып жатыр», - деді Толыбаева.

Айта кетейік, заңға сәйкес ауыр қылмыс үшін сотталған кез келген азамат жаза мерзімінің 1/3 бөлігін өтегеннен кейін қалған бөлігін жазаның едәуір жеңіл түріне ауыстыру туралы сотқа өтініш білдіре алады. 2019 жылдың желтоқсанында Толыбаева осы құқығын пайдаланған. Осылайша 2020 жылы жазасын бас бостандығын шектеуге ауыстырды.

Алайда араға бір жыл үш ай салып оны қайтадан түрмеге қамады.

Ол қазір баласымен бірге Алматы облысы Жауғашты ауылындағы ЛА-155/4 түзету мекемесінде жазасын өтеп жатыр.

«Оның бәрі осы колонияның сот алқасының қателігі. Себебі олар дәл уақытында марқұмның туыстарына менің сотқа өткізгенім туралы ешқандай ескерту жібермеген. Бір жыл үш айдан кейін қайтадан келіп отырмын. Бір жыл болған кезде бүкіл сайт «Толыбаева бостандыққа шықты, бір жыл болды» деп жаза бастады. Оған дейін ешкім ештеңе жазған жоқ болатын», - деді Толыбаева.

Сотталушы соған байланысты Қазақстанда заң бәріне бірдей қолданылмайтынына наразы.

Жанар Толыбаева Теннің өлімі ісінде 434-бап «Қылмыс туралы хабарламау» бойынша кінәлі деп танылды. Ол 4 жылға бас бостандығынан айырылды. Іс барысында оның жүкті екені белгілі болды.

Ошибка в тексте? Выделите и нажмите Ctrl+Enter
Пікірлер 0