WBO белбеуінен бас тартпайынша, Головкиннен құтыла алмаймын-ау – Энди Ли

<p> <strong>Ирландиялық кәсіпқой боксшы Энди Ли Геннадий Головкинмен жекпе-жекке шықпаудың жолын қарастырып жатыр. Мұны боксшы ақпарат құралдарына берген сұхбатында мәлім еткен, деп хабарлайды Bnews.kz.</strong></p> <p> Энди Ли 21 ақпан күні Головкин мен Мюррей арасында өткен кездесуді Salle des Etoiles аренада отырып тамашалады. Осы жекпе-жек өтпей тұрып, Энди Ли журналистерге берген сұхбатында Мюррейдің Головкинді жеңе алмайтынын айтқан болатын. Ол WBO белбеуінен ерікті түрде бас тартпайынша немесе оны қорғамайынша, Головкиннен құтыла алмайтынын жасырмады.</p> <p> &laquo;Мен Головкинмен ерте ме кеш пе әйтеуір жолығарым анық. Себебі, WBO белбеуі қазір менің еншімде, сондықтан, алдағы уақытта Головкинмен жекпе-жекте белбеуімді қорғауым керек болады. Қазір орта салмақта Геннадиге тең келер, оның ауыр соққысына төтеп берер боксшы жоқ.&nbsp;</p> <p> Айта кету керек, Головкин Лиді 2003 жылы Бангкокта өткен әлем чемпионатында жеңген болатын.</p> <p> Естеріңізге саламыз, орта салмақта WBA (Super), WBC (Interim) және IBO тұжырымдарындағы әлем чемпионы отандасымыз Геннадий Головкин (32-0, 29 КО) ақпанның 21-інен 22-іне қараған түні Монаконың Монте-Карло қаласында британиялық Мартин Мюррейге қарсы өткізен жекпе-жегінде чемпиондық атақтарын кезекті рет қорғап қалды.</p> <div> &nbsp;</div> <div> Bnews.kz сайтынан</div>