Мұхаммед Әлидің қолғабы 1 млн долларға сатылды (ВИДЕО)

<p> <strong>1965 жылы жекпе-жек өткізген аты әлемге мәшһүр боксшы Мұхаммед Әли мен оның қарсыласы Сонни Листонның бокс қолғаптары Нью-Йоркте өткен аукционда 956 мың долларға сатылды. Бұл туралы амеркиалық Heritage Auctions аукцион үйінің сайтында жарияланды, деп хабарлайды Bnews.kz</strong>.</p> <div> <p> Бәссауданы ұйымдастырушылар қолғаптар миллионнан астам долларға сатылады деп күткен. Қолғаптарды жаңа иесінің есімі әзірге жария етілмей отыр.</p> <p> Әли мен Листон арасындағы матч-реванш 1965 жылдың 25 мамырында АҚШ-тың Льюистон қаласында өткен. Дәл осы күні Кассиус Клей шаршы алаңға алғаш рет Мұхаммед Әли есімімен шықты. Ол Листонды жекпе-жек басталған соң бас-аяғы 2 минут ішінде жеңген.</p> <p> Кездесу аяқталған соң қолғаптарды төреші Джордж Руссо (George Russo) алып кетеді. Араға ондаған жылдар салып, Руссо қолғаптарды калифорниялық коллекция жинаушыға сатады.</p> <p> 2014 жылдың тамызында АҚШ-тың Кливленд қаласында өткен аукционда Мұхаммед Әли мен Джо Фрейзер жекпе-жегіндегі қолғаптар 388,3 мың долларға сатылған.</p> <p> Ал өткен жылдың ақпанында өткен бәссаудада Мұхаммед Әлидің карьерасындағы алғашқы чемпиондық атақты жеңіп алған кездесуіндегі қолғабы 836,5 мың дооларға сатылған.</p> <p> Бокс тарихында ең танымал боксшылар қатарына кіретін Мұхаммед Әлиден абсолютті әлем чемпионы атағын 1964-1966, сонан соң 1974-1978 жылдар аралығында ешкім тартып ала алмаған. Сонымен қатар, 1960 жылы ол 81 келіге дейінгі салмақта олимпиада чемпионы атанған.</p> </div> <p> Bnews.kz сайтынан</p>