Қазақстандық боксшы Ресейде африкалық боксшымен жұдырықтасады

Қазақстандық боксшы Данила Семеновтың (3-1) 20 мамырда Ресейдің Новосибирск қаласында өтетін BOXING NIGHT бокс кешіндегі қарсыласы анықталды, деп хабарлайды Prosports.kz.

Алты раундтық жекпе-жекте Семенов «Үлкен Папа» деген лақап атпен Оңтүстік Африка боксшысы Осборн Мачиманмен (23-13-2, 17 КО) кездеседі.

Мачиман мансабында қазақстандық боксшымен екінші рет рингке шыққалы отыр. 2019 жылы африкалықты Жан Кособуцкий нокаутқа жіберген еді.