Қанат Исламның «WBA International» белбеуі үшін жекпе-жегі өтпейтін болды

<p> <strong>Кәсіпқой бокста бақ сынап жүрген отандасымыз Қанат Ислам &laquo;WBA International&raquo; белбеуі үшін жекпе-жек өткізбейтін болды. 1 наурыз күні Мәскеуде өтуі тиіс болған кездесу қаржы мәселесіне байланысты өз шешімін таппай қалды.</strong></p> <p> Қанат Ислам ірі атақ үшін аргентиналық Гуидо Николас Питтомен жұдырық түйістіруі тиіс болатын. Кездесу 12 раундқа жоспарланып, орта салмақта &laquo;WBA International&raquo; атағы &nbsp;сарапқа салынады деп күтілген еді. Бірақ Қанат Исламның проумоутері Нельсон Лопес қажетті қаржыны таба алмаған. Сондай-ақ Мәскеуде Жанқош Тұраров пен венесуэлалық Франклин Варела арасындағы кездесу де қаржы мәселесіне байланысты өтпейтін болды.</p> <p> Биыл 30 жастағы Қанат Ислам мен 24 жастағы Жаңқош Тұраров кәсіпқой бокс рингінде төрт жекпе-жектен өткізуді жоспарлап отыр екен. Екеуінің чемпиондық атақ пен белбеу үшін өткізетін жекпе-жектерін мыңдаған жанкүйерлер тағатсыз күтуде. Ендігі кездесулері наурыз айының соңына қарай өтуі мүмкін. Естеріңізге сала кетейік, екі боксшымыз да &ndash; Латын Америкасы мен Кариб бассейні елдерінің құрлықтық чемпиондық белбеулерінің иегерлері.</p> <p> &nbsp;</p> <p> Массагет.кз сайтынан</p>