«Қайрат» жанкүйерлері Алексей Шпилевскийдің отставкасын талап етіп жатыр

Алматылық «Қайраттың» жанкүйерлері команда нәтижесіне көңілі толмай, клуб басшылығын бас бапкер Алексей Шпилевскийді қызметінен кетіруге шақырып жатыр, деп хабарлайды Prosports.kz тілшісі «Белорусский футбол» Telegram-каналына сілтеме жасап.

«Сары-қаралардың» фанаттары «Мен/Біз Шпилевскийге қарсымыз» деген акция бастаған. Алматылық клубтың жанкүйерлері әлеуметтік желідегі парақшаларда беларусьтік маманды клубтан кетіруді талап етіп жатыр. 

Қазақстан чемпионатының 10-турында «Қайрат» өз алаңында қарағандылық «Шахтермен» (1:1) тең түскен. Алматылықтар 9 турдан соң 17 ұпай жинап, көш басныдағы «Астанадан» 9 ұпайға қалып тұр.