«Зенит» Ресей чемпионы атанды

РПЛ-дің 28-турында мәскеулік «Локомотивті» жеңген питерлік «Зенит» Ресей чемпионы атанды, деп хабарлайды Prosports.kz.

«Зенит» – «Локомотив» 6:1 кездесуі аяқталды. Питерліктердің ирандық форварды Сердар Азмун хет-трик жасаса, команда капитаны Артем Дзюба дубль авторы атанды, тағы бір голды бразилиялық хавбек Малком соқты. «Теміржолшылар» сапынан Франсуа Камано көзге түсті.

Осы жеңістің арқасында «Зенит» 61 ұпай жинап, Ресей чемпионатының бітуіне екі тур қалғанда, ел чемпионы атанды. Питерлік клуб қатарынан үшінші рет, тарихында 8-рет бұл титулды иеленіп отыр.