Денис Тен қазақстандықтарға қолдау көрсеткені үшін алғыс айтты

<p> <strong>Қазақстандық мәнерлеп сырғанаушы, Сочи Олимпиадасының қола жүлдегері Денис Тен Төрт құрлық чемпионатында жеңіске жеткеннен кейін Instagram арқылы қазақстандықтарға қолдау көрсеткені үшін ризашылығын білдірді, деп хабарлайды BNews.kz.</strong></p> <p> &laquo;Қолдау көрсеткендеріңіз үшін көп рахмет. Осындай сәттерде жүздесу үшін мен спортта қалдым. Бүгін (14 ақпан &ndash; агенттік ескерт.) біздің Сочи Олимпиадасындағы жетістігімізге бір жыл толды. Тура бір жыл өтті &ndash; жаңа медаль, жаңа тарихи жетістік! Бұл жолы алтын медальға, Төрт құрлық чемпионатының чемпиондық титулына қол жеткізіп отырмын. Барлық қазақстандықтарды айтулы оқиғамен құттықтаймын!&raquo;, - деп жазды Денис.</p> <p> Естеріңізге сала кетейік, қазақстандық мәнерлеп сырғанаушы қос бағдарлама бойынша 289,46 ұпай жинап, маусымдағы ең үздік нәтижені көрсеткен болатын.</p> <p> &nbsp;</p> <p> <em>BNews.kz сайтынан</em></p>