Ресми. Батыр Жүкембаев рингке оралатын күнін жариялады

Қазақстандық боксшы Батыр Жүкембаев (18-0, 14 КО) Пуэрто-Рико елінің боксшысы Сабриэль Матиасқа (16-1, 16 КО) қарсы кезекті жекпе-жегін ресми түрде жариялады, деп хабарлайды Prosports.kz.

«29-мамыр күні АҚШ-та IBF тұжырымы аясында, Premier Boxing Champions шоуында Showtime телеарнасында Сабриэль Матиасқа қарсы жекпе-жек. Алланың қолдауымен, жанкүйердің демеуімен тек жеңіс үшін айқасамын», - деп жазды боксшы өзінің Instagram парақшасында.

Жүкембаев - Матиас жекпе-жегі Лос-Анджелестегі (Калифорния, АҚШ) бокс кеші аясында өтеді.

Жүкембаев үшін алдағы жекпе-жек АҚШ-тағы алғашқы кездесуі болады, бұған дейінгі ол тек Канадада жұдырықтасты.