Қанат Ислам мен Жанқош Тұраров келесі жекпе-жектеріне дайындықты бастады

<p> <strong>Қазақтың кәсіпқой бокстағы көпшілікке танымал қырандары &ndash; Қанат Ислам мен Жанқош Тұраров АҚШ-тың Флорида штатында жаттығу жұмыстарын бастап кетті, деп хабарлайды Қамшы порталы.</strong></p> <p> 30 жастағы Қанат Ислам мен 24 жастағы Жанқош Тұраров биыл кәсіпқой бокс рингінде төрт жекпе-жектен өткізуді жоспарлап отыр. Екеуінің чемпиондық атақ пен белбеу үшін өткізетін жекпе-жектерін мыңдаған жанкүйер мен фанат тағатсыздана күтіп отыр. Естеріңізге сала кетейік, екі боксшымыз да &ndash; Латын Америкасы мен Кариб бассейні елдерінің құрлықтық чемпиондық белбеулерінің иегерлері.</p> <p> Екі боксшымыздың да жанкүйерлері мен фанаттарының игі тілектерін олардың әлеуметтік желілердегі парақшаларынан оқуға болады. Бәрі де қос боксшымызды қолдап, жүрекжарды тілектерін жаудырған.</p> <p> Қанат Исламның лақап аты &ndash; &laquo;Қазақ&raquo;. Алайда, іс жүзінде халық оны &laquo;Қазақ батыры&raquo; деп атайды.</p> <p> Ал Жанқош Тұраровтың фанаттары оған &laquo;Шыңғыс Хан&raquo; деп айдар тақса, базбіреулері &laquo;Мұстафа&raquo; деп атап жүр.</p> <p> Сонымен, Қанат пен Жанқош Флорида штатында жаттығу жұмыстарын бастап кетті. Біз олардың қазақ халқын қуантып, жеңіске жете берулеріне тілектеспіз.</p> <p> &nbsp;</p> <p> Bnews.kz сайтынан</p>