Қазақстан – Аргентина матчының жеребесі тартылды

Билли Джин Кинг кубогының плей-офф кезеңінде өтетін Қазақстан – Аргентина матчының жеребесі тартылды, деп хабарлайды ҚТФ баспасөз қызметі.<br /><br /><span>Аргентинаның Кордова қаласында 16-17 сәуір күндері өтетін матчтың алғашқы бәсекесінде Юлия Путинцева корт иесі, түбі украиналық Надя Подороскамен кездеседі. Бұл жұп жұма күні Нұр-Сұлтан уақытымен сағат 20.00-де сынға түседі. Өткен жылы Ролан Гаррос турнирінде айды аспанға шығарып, жартылай финалға дейін жеткен Н.Подороска Аргентинаның бірінші ракеткасы саналады. Сол айтулы додада Ю.Путинцеваны да ұтып кеткен болатын. </span>

<span>Ол қазір дүниежүзілік рейтингіде 45-інші, ал Ю.Путинцева 30-орында тұр. Бұл ойын біткеннен кейін Қазақстанның бірінші, әлемнің 23-ракеткасы Елена Рыбакинаға кезек келеді. Ол Аргентинаның екінші ракеткасы Мария Лурдес Карлені сынап көреді. </span>

<span>Сенбі күні Н.Подороска – Е.Рыбакина, М.-Л.Карле – Ю.Путинцева және жұптық сында Ярослава Шведова мен Анна Данилина – Н.Подороска мен М.-Л.Карле кездесулері жоспарланып отыр. </span>

<span>Сенбі күнгі ойындар сағат 19.30-да басталады. Қазақстан – Аргентина матчын «Qazsport» телеарнасы тікелей эфирде көрсетеді.</span>