Әділбек Мусин жүзуден Ресей ашық чемпионатының жартылай финалына өтті

Қазанда жүзуден Ресей ашық чемпионаты жалғасуда. Күндізгі бағдарламада 100 метрге баттерфляй әдісімен жүзуден іріктеу кезеңі өтті деп хабарлайды Olympic.kz.

Қазақстан атынан сынға түскен Әділбек Мусин аталған қашықтықты 00:52.66 уақыт көрсеткішінде жүзіп өтіп, жартылай финалға жолдама алды. Ол іріктеу кезеңін өз тобындағы екінші орынмен аяқтаған.

Жартылай финал бүгін Нұр-Сұлтан уақытымен 21:59-да өтеді.