Жүкембаев - Матиас жекпе-жегі туралы келісімшартқа әлі қол қойылған жоқ

Қазақстандық боксшы Батыр Жүкембаев пен пуэрториколық Сабриэль Матиас арасындағы жекпе-жек әлі ресми түрде бекітілген жоқ, деп хабарлайды Prosports.kz тілшісі.

Жақын дереккөздің айтуынша, бұл жекпе-жектің келісімшарты әлі жасалмаған. Сондықтан кездесудің нақты күні әлі белгісіз. Бірақ Матиастың командасымен келіссөздер жүріп жатыр және олар аяқталуға жақын.

Еске салайық, бүгін Батыр Жүкембаев пен Сабриэль Матиас 29 мамырда Лос-Анджелесте жұдырықтасатыны туралы ақпарат болған еді.