«Арландар» «Нокаутшыларды» нокаутқа жіберді

<p> <strong>Бүкіләлемдік бокс сериясының (WSB) &laquo;В&raquo; тобында бақ сынап жатқан қазақстандық &laquo;Astana Arlans&raquo; АҚШ елінің &laquo;USA Knockouts&raquo; клубымен V маусымдағы бесінші кездесуін өткізіп, айқын басымдықпен жеңіске жетті.</strong></p> <p> &laquo;В&raquo; тобында қазақстандық клубен иық тірестіріп келе жатқан команда қауқары белгілі болды. Кездесу алдында қазақ елімен таныс болмаған боксшылар, енді танып қайтты десек қателеспейміз. Себебі, &laquo;Арландар&raquo; &laquo;Нокаутшыларды&raquo; нағыз нокаутқа жіберді. Есеп 5:0.</p> <p> Атап айтар болсақ, 52 келіге дейінгі салмақта Мирас Жақыпов Брент Ричард Венегастан 49:46, 49:46, 49:46 нәтижелерімен басым түссе, 60 келіге дейінгі салмақта Ержан Мұсафиров Малиек Доннел Монтгомериді 48:47, 47:48, 48:47 есебімен жеңіп шықты. 81 келіге дейінгі салмақта &laquo;Арландардың&raquo; хорватиялық легионері Хрвое Сеп қарсыласы Стив Нельсонға айқын басымдығын танытты. 69 келіде бірінші жекпе-жегіне шыққан Асланбек Шымбергенов Брайан Цебаллоны сабасына түсірсе, 91 келіден жоғары салмақта Филипп Хргович қарсыласы Брэндон Глэнтонды екінші раундта-ақ ауыр соққылардың астына алып, техникалық нокаутпен жеңіске жетті.</p> <p> Марат Жақиев жаттықтыратын команда келесі кездесуін &laquo;Puerto Rico Hurricanes&raquo; командасымен өткізеді. Бұл жекпе-жектер де Қарағанды қаласында (14 ақпан) өтетін болады.</p> <p> &nbsp;</p> <p> Massaget.kz сайтынан</p>