Тұрсынбай Құлахмет: Жанқоштың жағдайы жақсы. Қазір карантинде

Қазақстандық боксшы Тұрсынбай Құлахмет коронавирус диагнозы қойылған Жанқош Тұраровтың жағдайы туралы айтты, деп хабарлайды Prosports.kz.

Осы себепті Жанқоштың британдық Тайрон Маккеннаның жекпе-жегі өтпей қалды. Тұрсынбай Дубайдағы кездесуін мерзімінен бұрын аяқтап, бірінші раундта венесуэлалық Хебер Рондонды нокаутқа жіберді.

«Жанқоштың коронавирус жұқтырғаны өкінішті. Ия, онымен сөйлестім. Ол Дубайға келген кезде кездестік. Бір жаттығу залында дайындалдық. Covid-19 жұқтырғанын салмақ өлшеу рәсімі кезінде білдім. Одан кейін хабарластық. Қазір карантинде», - деді Тұрсынбай Құлахмет.