«Ынта мен психологиялық жүк». Демьяненко Ербосынұлының маңызды жекпе-жегін бағалап, GGG-дің келесі кездесуі туралы айтты
17 сәуірде германиялық Карлсруэде қазақстандық боксшы Айдос Ербосынұлы (15-0, 10 КО) ресейлік Евгений Шведенкомен (15-0, 6 КО) жұдырықтасады. Екеуі де кәсіпқой рингте жеңілмеген. Кездесудің жеңімпазы екінші орта салмақта IBF тұжырымы бойынша әлем чемпионы белбеуіне міндетті үміткер атанады. Титул қазір америкалық Калеб Плантта (21-0, 12 КО).
Prosports.kz журналисі ҚР кәсіпқой бокс федерациясының вице-президенті Виктор Демьяненконың отандық боксшының маңызды кездесуі туралы пікірін білді.
- Виктор Леонидович, қазақстандық кәсіпқой бокстағы ең көп талқыланған оқиға - бұл Айдос Ербосынұлы мен ресейлік Евгений Шведенко арасындағы жекпе-жек. Сіз бұл кездесу туралы не ойлайсыз?
- Ресейлік боксшының командасы сауда-саттықты жеңіп алды, сондықтан жекпе-жек Германияда өтеді. Айдосқа тек сенімді жеңіс керек, мен оның қаншалықты дайын екенін білмеймін. Қалай болғанда да, оның командасы жұмыс істеп жатыр, ал өзі бокста дамып келеді, сондықтан біз жеңіске үміттіміз.
- Жекпе-жекті жақын өткізу қазақстандық үшін тиімді емес, өйткені бұл кездесуде қонақ саналады ғой?
- Бұл жерде бір нәрсеге иек артуға болмайды, рингке шығып, жұдырықтасу қажет. Себебі кейін Ербосынұлының басты мақсаттары болады.
- Екі спортшы да бұрын жеңіліс таппаған, кәсіпқой бокстағы рекорды да ұқсас. Бұл олардың жеңіске мүмкіндігі тең дегенді білдіре ме?
- Әрине. Ең бастысы - Айдостың бұл жекпе-жекке қалай дайындалатынында. Оның командасы қарсыласты мұқият зерттеп, нақты тұстарына назар аударуы керек.
- Бұл отандық боксшының мансабындағы ең ауыр сынақ бола ма?
- Менің ойымша, иә. Енді оған ең ауыр психологиялық жүк түседі, өйткені жеңіске жеткен жағдайда Айдос әлемдік титулға үміткер болады. Бұл әрі ынталандырады, әрі психологиялық жүк болады.
- Жақында Жан Ксобуцкийдің бокстағы шаруасымен Тайсон Фьюри мен Билли Джо Сондерстің бұрынғы промоутері айналысатыны белгілі болды, ол қазақстандық боксшының әлеуетін ашуға мүмкіндікті күтіп жүр. Осындай әріптестіктен қандай нәтиже күтуге болады?
- Оған назар аударғандары өте жақсы, өйткені Беларусьта бірнеше жыл жүруі мүмкін еді. Оған жақсы промоутер керек болды.
- Кособуцкийдің өзі мықты қарсыластармен жұдырықтасуға дайын ба және оның ауыр салмақтағы үздіктермен бәсекеде мүмкіндігі қандай?
- Маған оның боксы ұнайды, өйткені ол тек алға жүреді. Мұның қаншалықты дұрыс екенін білмеймін, өйткені тактикалық дайындық та болуы керек, себебі ауыр салмақта соққы алмасу қауіпті. Әзірге Жан ауыр соққы алмай жүр, бұл өте жақсы.
- Геннадий Головкин өзінің келесі жекпе-жегі мен қарсыласы туралы әлі шешім қабылдаған жоқ. GGG-ден чемпиондардың бірімен жекпе-жекті күту керек пе, әлде боксшы қайтадан Шеремета деңгейіндегі қарсылас таңдай ма?
- Головкинмен жекпе-жекке бәрі бірдей келісе бермейді. Көріп отырғанымыздай, көптеген сарапшы Риота Муратамен жекпе-жек GGG-ге үлкен сыйақы әкелуі мүмкін деп санайды. Головкинмен салыстырғанда жапонның тәжірибесі аз, бірақ ол жас. Жапонияда Мурата - жұлдыз, бірақ мұндай деңгейде және мұндай қарсыластан жеңіліп қалу оған үлкен мәселе болмайды және екеуі де көп ақша таба алады.
- Өз дивизионының чемпиондарының бірімен жұдырықтасу қазақстандық үшін қауіпті ме?
- Мұның қаншалықты қауіпті болатынын білмеймін, өйткені Головкин промоутерлік қызметпен айналысу үшін өзінің кәсіби мансабының соңғы бір-екі жылында ақша табу міндеті тұр. Геннадийдің сіңірген еңбегі зор, сондықтан кез келген қарсыласпен жекпе-жегін ұйымдастыру тек ақшаға тіреледі.
- Канело мен Головкиннің үшінші жекпе-жегі тағы да белгісіз мерзімге шегерілген сияқты. Екі тарап оны ұйымдастырмағанына қарағанда, трилогия ешкімді қызықтырмайтын шығар?
- Менің ойымша, трилогия болады, өйткені Канело Головкиннің бокстан кетуі мүмкін екенін, кейін тек әңгіме қалатынын түсінеді. Мексикалықтың мансабы жалғасады және орта дивизионда көшбасшы екенін көрсету үшін Головкинді жекпе-жекке шақыруы керек. Сонымен қатар, бұл «Канело» үшін көп ақша табудың тағы бір мүмкіндігі.