Бублик Дохадағы жарысты сәтті бастады

Қазақстандық теннисші Александр Бублик Дохада өтіп жатқан Qatar Open турнирінің бірінші айналымында үндістандық Рамкумар Раманатаннан басым түсті, деп хабарлайды Prosports.kz.

Матч екі сетте Бубликтің жеңісімен аяқталды (6:4; 6:2).

Ойын барысында Бублик 7 эйс жасады, 6 брей-пойнттың 3-еуін сәтті пайдаланды. Доп беру кезінде екі рет қателесті.

Матч 1 сағат 13 минутқа созылды.