Қазақстан таэквондошылары Болгарияда бақ сынайды

Таеквондодан Қазақстанның ұлттық құрама командасының мүшелері G1 санатындағы «8th Ramus Sofia Open 2021» халықаралық турниріне қатысады.

Жарыс 6-7 наурыз аралығында Болгария астанасы Софияда өтеді. Еліміздің атынан Фариза Алдангорова (52 кг) және Руслан Жапаров (+87 кг) өнер көрсетеді.

Айта кетейік, «8th Ramus Sofia Open 202» былтырғы ұзақ үзілістен кейін қазақстандық таеквондошылардың қатысуымен өтетін алғашқы халықаралық турнирі болмақ.