Бублик Сингапур турнирін жеңіспен бастады

Қазақстанның бірінші, әлемнің 46-ракеткасы Александр Бублик Сингапур ATP турнирін жеңіспен бастады.

Осы доданың 4-ракеткасы болып тіркеліп, турнирді екінші айналымнан бастаған А.Бублик бастапқы кездесуін түркиялық, рейтингте 302-орында тұрған Алтуг Челикбилекпен өткізді.

Қазақстандық теннисші негізгі турнирге іріктеу сайыстарынан кейін қосылған қарсыласын 6:2, 6:2 есебімен тізе бүктірді.