Алматыда самбодан әлем кубогы аяқталды

<p> <strong>Алматыдағы Балуан Шолақ атындағы спорт сарайында самбодан &laquo;ҚР президенті Нұрсұлтан Назарбаевтың жүлдесі үшін&raquo; әлем кубогы өтті. Жарысқа әлемнің 20 мемлекетінен 400-ге жуық спортшы қатысқан. Аталмыш жарыста 112 балуан ел намысын қорғады.</strong></p> <p> Жарыстың салтанатты ашылу рәсімінен кейін айқастар өтті. Боз кілем төріне 52 келі салмақтағы жерлесіміз Бейімбет Қанжанов армениялық Тигран Киракосянға есе жіберіп, қоржынға күміс жүлдені салды.&nbsp;</p> <p> 64 келіде ел намысын қорғаған Динара Жұмабаева, былтырғы жылдың есесін қайтарып алтыннан алқа тағынды.&nbsp;</p> <p> Ал ерлер арасында 62 келі салмақ дәрежесінде Асет Қуанов, Асылбек Әлкей мен әскери самбодан екі дүркін әлем чемпионы Арман Оспанов төрт рет әнұранымызды шырқатты.&nbsp;</p> <p> Байрақты бәсекенің бірінші күнінде Қазақстан құрамасының қоржынына 4 алтын, 4 күміс және 8 қола медаль түсті. Сонымен қатар, жарыстың қорытындысы бойынша &laquo;үздік спортшы&raquo; анықталып, жігерлік үшін берілетін арнайы сыйлықтарды ұтқан самбошылар марапаталды.</p>